Xusticia medioambiental

Como habitantes de la Tierra, los seres humanos tenemos derechos y obligaciones que configuren el marcu de les nuestres relaciones cola nuestra contorna (ambiental y social).

La xusticia ambiental inspírase nel principiu que reconoz a toles persones los mesmos derechos a los beneficios de la ufierta ambiental y cultural del planeta. Esprésase pente medies de la protección y implementación política, social y económica d’esos derechos, local y globalmente, asegurando un tratu xustu ensin importar raza, ingresos o cultura, ente otros rasgos personales.

"Tolos habitantes merecen ser protexíos de la contaminación [...] Toos merecen aire llimpio, agua puro, tierres ensin contaminación y alimentos que sían saludables. Protexer el nuestru mediu ambiente significa protexer la nuestra salú, la salú de les nuestres families, los nuestros vecinos, la nuestra economía", en palabres de Carol Browner, Alministradora de la Environmental Protection Agency d’EE.XX. ente los años 1993 y 2000.