Alimentación saludable

L'alimentación saludable ye una de les formes más importantes que tenemos a mano para promover la nuestra salú; apórtanos los nutrientes necesarios pa sentinos y funcionar bien, pa encima reduz el riesgu de carecer d’enfermedaes cróniques. L'alimentación de la embaranzada y del neñu nes etapes primeres de vida ye esencial pal crecimientu y desarrollu na infancia y pa prevenir enfermedaes na vida adulta.

Cuando una muyer embaranzada come bien, ayuda a garantizar que’l so rapacín reciba tolos nutrientes necesarios pa un desarrollu saludable. Una dieta apropiada inclúi: alimentos proteicos (carne, pitu, pexe, llegumes, frutos secos), quitando los que tienen conteníos altos en grases saturaes; cereales (pan, pasta, arroz, cereales), procurando que parte d’ellos sían integrales; lácteos (lleche, quesu, yogures); fruta y verdura.

Nos países desarrollaos nun suelen dase problemes de malnutrición que pudieren comprometer la evolución favorable del embaranzu, anque puedan tovía dase casos contaos en colectivos marxinales. Por contra, dende hai años vienen faciéndose estudios que permitieron identificar una serie de nutrientes, como’l fierro, l’ácidu fólico, la vitamina D y el calciu, que les sos deficiencies podríen producir alteraciones tanto na madre como nel naciatu. Poro, ye práctica clínica habitual encamentar, yá dende la fase preconcepcional, d’una dieta rico nestos elementos, amás de l’alministración de suplementos vitamínicos y minerales.

Arriendes d’ello, esisten otros nutrientes que la so inxesta probe nel embaranzu podría aumentar el riesgu d’anomalíes nel desarrollu fetal y infantil, sobre manera en presencia d’otros factores predisponentes na madre, como enfermedaes previes, factores xenéticos o esposiciones ambientales. Sicasí, los estudios esistentes nun aportaron entaína la evidencia suficiente que permita desarrollar recomendaciones preventives. Ente estos nutrientes, los estudios actuales tán centrando l’atención fundamentalmente nes vitamines antioxidantes y nos ácidos grasos poliinsaturaos.