Contaminación del agua

L’accesu y la calidá del agua potable inflúin nel desarrollu correctu d’un neñu. Lo mesmo los microorganismos patóxenos que les sustancies químiques arriesguen la calidá del agua.

Contaminantes más frecuentes:

Axentes patógenos

L’agua contaminao por axentes patóxenos pue producir una plebe d’enfermedaes de gravedá diversa. Les más comunes son les infecciones que causen folia, siendo ésta ún de los motivos más corrientes de mortalidá infantil nos países en víes de desarrollu.

Subproductos de la desinfección

Na nuestra contorna esisten abondos contaminantes químicos que puen tar presentes nel agua potable. Los subproductos de la desinfección (SPD) fórmense demientres la desinfección, pola reacción del desinfectante (por exemplu’l cloru) cola materia orgánico. Los niveles varíen notablemente según l’orixe, la calidá del agua y el tratamientu de potabilización. Anque esisten centenares de SPD, los más frecuentes son los trihalometanos (THMs). Éstos son volátiles y permeables a la piel, polo que la inhalación y l’absorción dérmica son víes d’esposición importantes na ducha, el bañu y l’asistencia a piscines. La esposición a estos compuestos nel embaranzu asocióse a estremaos efectos adversos. Les evidencies más consistentes relacionen esta esposición con un retrasu del crecimientu intrauterín y determinaes malformaciones conxénites.

Les piscines constitúin un ambiente con niveles elevaos de desinfectantes y subproductos de la desinfección, necesarios pa caltener les condiciones hixéniques. Dalgunos d’estos compuestos son irritantes de las víes respiratories y esiste’l riesgu potencial de producir síntomes respiratorios en rapacinos. D’otra manera, bien d’estudios nun alcuentren una asociación clara ente l’asistencia a la piscina y los síntomes respiratorios en neños, probablemente pol fechu de que l’asistencia a piscines implica una actividad física beneficiosa pa la salú.

Nitratos y metales

L’agua potable pue contener munchos otros contaminantes como por exemplu nitratos, arsénicu, plomu, etc., que se vienen asociando tamién a dixebraos efectos adversos del embaranzu.