Notícies asturianu
Martes, 16 de xineru del 2010
Entrevista al doctor Jordi Sunyer
L'amenaza cotidiana. Asina titula'l periodista Àlex Milián el tema de portada del selmanario 'El Temps' de la primer selmana de xineru del 2010. Nesti artículu trátase sobre'l trabayu d'investigación que tán llevando alantre los investigadores qu'estudien los efectos de la contaminación química (polución, pesticides, alimentos o productos de llimpieza) sobre'l desarrollu de los neños que fueron espuestos, al traviés de les madres, nel proceso del embaranzu.
Proxectu INMA
Nel reportaxe sorráyase'l llabor que se ta llevando alantre dende'l Proxectu INMA. Nel artículu esplícase qu'arrancamos a caminar en 1997 con dos cohortes de muyeres embaranzaes de la Ribera d'Ebre y de Menorca. El doctor Jordi Sunyer recuerda "daquella lo que más nos esmolecía yera la contaminación específica d'un subproductu industrial d'una empresa de Flix, l'hexaclorobenzenu (un plaguicida), que según dellos estudios yera neurotóxico y canceríxeno n'animales".
Entrevista doctor Sunyer
En bona parte, el trabayu periodísticu d'El Temps complétase con una entrevista provechosa al doctor Jordi Sunyer. Na entrada de la entrevista sorráyase que ye ún de los impulsores del Proxectu Infancia y Medio Ambiente (INMA), y ne dos páxines de la mesma'l doctor Sunyer realiza unas declaraciones mui interesantes.
Dalgunes de les sos respuestes sedríen estes:"Viemos que'l DDT causa una supresión de la inmunidá y aumenta'l riesgu d'infecciones respiratories", "en cuanto al neurodesarrollu probamos que la lactancia protexe a los rapacinos de munchos de los axentes químicos a los que s'esponen", "la llexía ye un bacterizida potente y ellí onde se fai sirvir los neños presenten menos fories y gastroenteritis" o que "en Sudáfrica hai abondos estudios sobre la infertilidá y les malformaciones nel aparatu xenito-utinariu de los rapacinos onde se fumiga más con DDT".
Valgan estes palabres del doctor Jordi Sunyer un resume pequeñu del conteniíu de les sos declaraciones.
(Créditu semeya: Jordi Play/www.jordiplay.com)